თვისებრივი კვლევა

ფოკუს ჯგუფების  და ჩაღრმავებული ინტერვიუების მიზანს წარმოადგენდა  საქართველოში სამოქალაქო საზოგადოების გარემოს ექსპერტული შეფასება სწორედ „საგზაო რუკის“ შემადგებელი ინდიკატორების მიხედვით.

ჯგუფური დისკუსიის და ჩაღრმავებული ინტერვიუს გაიდლაინი შედგებოდა დაახლოებით 15-20 ღია შეკითხვისგან,, რომლებიც მოდერატორის/ამალიტიკოსის მიერ გამოიყენებოდა დისკუსიის და ჩაღრმავებული ინტერვიუს მსვლეობისას.

სულ ჩატარდა 10 ჯგუფური დისკუსია, მათგან 4 თბილისში, ხოლო დანარჩენი 6 საქართველოს 3 რეგიონში: შიდა ქართლში (გორი), სამცხე-ჯავახეთში (ახალციხე) და იმერეთში (ქუთაისი). დისკუსიაში მონაწილეობდნენ როგორც ადგილობრივი ხელისუფლების წარმომადგენლები (რეგიონებში - მუნიციპალიტეტები), რომელთაც შეხება ჰქოდათ სსო-ებთან, ასევე თავად სსო-ების წარმომადგენლები.

რაოდენობრივი კვლევა

რაოდენობრივი კვლევა დაეფუძნა სტრუქტურირებულ ინტერვიუებს სამოქალაქო სექტორის ძირითადი აქტორების წარმომადგენლებთან (ძირითადად ის სსო-ები, რომლებიც მუშაობენ პოლიტიკის შემუშავების საკითხებზე სხვადასხვა სფეროში).

კვლევის სამიზნე ჯგუფი: სამოქალაქო საზოგადოების ორგანიზაციები საქართველოში;

შერჩევის ზომა: 197 დასრულებული ინტერვიუ (შერჩევის ცდომილება 5% - 90%-იანი საიმედოობისთვის)

შერჩევის ჩარჩო: სამოქალაქო საზოგადოების ორგანიზაციების მონაცემთა ბაზა. მონაცემთა ბაზის მოწოდება უზრუნველყო კონფლიქტებისა და მოლაპარაკებების საერთაშორისო კვლევითი ცენტრმა (ICCN). ბაზის ფორმირება მოხდა, ასევე, სხვადასხვა წყაროების საშუალებით, მაგ: საქართველოში პოლიტიკის შემუშავებაზე ორიენტირებული ორგანიზაციები, საქართველოს საჯარო რეესტრი, სტატისტიკის ეროვნული სამსახური.