Study of the Socio-Economic Situation of Students of Georgian Higher Education Institutions and Their Living Conditions (International Study (EUROSTUDENT VIII) 2022-2024

12 Jun 2022

სოციალური კვლევისა და ანალიზის ინსტიტუტი, საქართველოს განათლებისა და მეცნიერების სამინისტროს დაკვეთით, უკვე მეორედ, ახორციელებს საერთაშორისო კვლევას - “ევროსტუდენტი - VIII”. კვლევა შეისწავლის ევროპის უნივერსიტეტების სტუდენტების სოციალურ-ეკონომიკურ მდგომარეობას, ცხოვრების პირობებსა და სწავლის თავისებურებებს.

აღნიშნული კვლევის ჩატარება 1990-იან წლებში დაიწყო და ევროპის კონტინენტის 25-ზე მეტ ქვეყანაში ხორციელდება. საქართველო ევროსტუდენტის საერთაშორისო კვლევას პირველად 2014 წელს შეუერთდა პილოტური ქვეყნის სტატუსით. მიმდინარე კვლევა საქართველოსთვის რიგით მეოთხეა. ევროსტუდენტის საერთაშორისო კვლევას კოორდინირებას უწევს ევროსტუდენტის კონსორციუმი - www.eurostudent.eu.

კვლევის ფარგლებში  შეისწავლება სტუდენტების:

• დემოგრაფიული მახასიათებლები - ასაკი, სქესი, ოჯახური მდგომარეობა, და ა.შ.
• სასწავლო პირობები და რესურსები
• შიდა და საერთაშორისო მობილობა
• დროის მენეჯმენტი
• საცხოვრებელი პირობები
• დასაქმება
• დანახარჯები
• სწავლის გაგრძელების შესაძლებლობები

კვლევაში გამოიკითხებიან აქტიური სტატუსის მქონე  სტუდენტები, საქართველოს მოქალაქეებიც და უცხოელებიც, რომლებიც სწავლობენ საქართველოში აკრედიტებულ უმაღლეს საგანმანათლებლო დაწესებულებებში, ბაკალავრიატისა და მაგისტრატურის საფეხურებზე. გამოკითხვა ტარდება 2021-22 წლის საგაზაფხულო სემესტრში. ელექტრონულ (ონლაინ) კითხვარს სტუდენტები ელექტრონულად, უნივერსიტეტის პორტალზე, და/ან ელექტრონულ ფოსტაზე მიიღებენ.  კვლევის ფარგლებში დაგეგმილია 4631 სტუდენტის გამოკითხვა.