ეროვნულ დონეზე სატყეო სექტორის შესახებ ცნობიერების დონის შეფასება,2023

11 ივნ 2023

კვლევა მიზნად ისახავდა ეროვნულ დონეზე სატყეო სექტორის შესახებ ცნობიერების დონის შეფასებას. აღნიშნული მიზნის მისაღწევად, კვლევის ფარგლებში შემუშავდა შემდეგი ამოცანები:

• სატყეო განათლების, ტყეების მნიშვნელობის,  ტყით მდგრადი სარგებლობის, ენერგოეფექტური ღუმელებისა და ალტერნატიული საწვავის შესახებ განათლებისა და ცნობიერების დონის შეფასება საქართველოს მოსახლეობაში.
• სატყეო სექტორში არსებული საკითხების/პრობლემების მიმართ საქართველოს მოსახლეობის დამოკიდებულებების შესწავლა
• ტყის გამოყენების (ტყით სარგებლობის)  მიმართულებით  საქართველოს მოსახლეობის ქცევითი პრაქტიკის ანალიზი.

კვლევის განხორციელების ეტაპები

კვლევის მიზნებისა და ამოცანების მისაღწევად, გამოვიყენეთ სოციოლოგიური კვლევის - როგორც რაოდენობრივი, ისე თვისებრივი მეთოდები. თვისებრივი კვლევა წარიმართა ფოკუს ჯგუფების და სიღრმისეული ინტერვიუს მეთოდების გამოყენებით, ხოლო რაოდენობრივი კვლევა - პირისპირ (face-to face) ინტერვიუს მეთოდით. რაოდენობრივი კვლევა ჩატარდა საქართველოს 11-ვე რეგიონში (ოკუპირებული ტერიტორიების გამოკლებით) და გამოიკითხა 1500 რესპონდენტი. 

თვისებრივი კვლევის ფარგლებში ჩატარდა ფოკუს ჯგუფები და სიღრმისეული ინტერვიუები. 8 ფოკუს ჯგუფი და 15 სიღრმისეული ინტერვიუ, როგორც მოსახლეობასთან, ისე სხვადასხვა დაინტერესებულ მხარესთან. ფოკუს ჯგუფები და სიღრმისეული ინტერვიუები ჩატარდა ონლაინ პლატფორმა Zoom-ის გამოყენებით.