ეთნიკური უმცირესობების წარმომადგენელი პაციენტების უფლებების შესწავლა, 2016

20 ოქტ 2016

კვლევის მიზანი იყო იმის დადგენა, თუ რამდენად სარგებლობენ ჯანდაცვის მომსახურებებით ეთნიკური უმცირესობები და რამდენად დაცულია ამ ჯგუფებში სამედიცინო სერვისების გამომყენებელთა (პაციენტთა) უფლებები.

ჩატარდა რაოდენობრივი კვლევა, გამოკითხვის მეთოდით, კერძოდ, პირისპირ ინტერვიუს გამოყენებით, ოჯახებში.

კვლევის სამიზნე ჯგუფს შეადგენდნენ საქართველოში მცხოვრები ეთნიკური უმცირესობების წარმომადგენლები, ძირითადად, სომხები და აზერბაიჯანელები, რომელთა ასაკია 18 წელი და მეტი.

შერჩევის ზომა განისაზღვრა 1004 რესპონდენტით. თუმცა,  რესპონდენტებმა, ბევრ საკითხთან მიმართებით, ინფორმაცია მოგვაწოდეს მათი ოჯახების წევრებზეც (სულ 3623 წევრი). შესაბამისად, აღნიშნული კვლევა შეიძლება ჩაითვალს ოჯახების კვლევად (household survey).

რესპონდენტები შემდეგნარად გადანაწილდნენ ცალკეულ რეგიონებში:

რეგიონი	რაოდენობა
თბილისი	100
კახეთი	100
სამცხე-ჯავახეთი	352
ქვემო ქართლი	452
სულ	1004