სეზონური სკოლა - სოციალური მუშაობის კვლევის მეთოდები; 2 -7 სექტემბერი, 2019

15 ივლ 2019

 ა(ა)იპ „სოციალური კვლევისა და ანალიზის ინსტიტუტი“, ბათუმის შოთა რუსთაველის სახელმწიფო უნივერსიტეტთან ერთად, შოთა რუსთაველის საქართველოს ეროვნული სამეცნიერო ფონდის დაფინანსებით, ახორციელებს სეზონურ სკოლას სახელწოდებით „სოციალური მუშაობის კვლევის მეთოდები".

სეზონური სკოლა ტარდება ბათუმის შოთა რუსთაველის სახელმწიფო უნივერსიტეტში, 2019 წლის 2–7 სექტემბერს.

სეზონური სკოლა მოემსახურება 35 მსმენელს (15–მდე სამაგისტრო და სადოქტორო პროგრამების სტუდენტი, 15–მდე პრაქტიკოსი სოციალური მუშაკი, მათ შორის, რეგიონებიდან და მინიმუმ 5 პროფესორ–მასწავლებელი ბათუმის შოთა რუსთაველის სახელმწიფო უნივერსიტეტიდან).

სეზონური სკოლის სამიზნე ჯგუფებს წარმოადგენენ:

• ბათუმის შოთა რუსთაველის სახელმწიფო უნივერსიტეტის პროფესორ–მასწავლებლები;
• საქართველოში მოქმედი სოციალური მუშაკები;
• სოციალური მუშაობის მაგისტრატურის და დოქტორანტურის საფეხურის სტუდენტები.

მოწვეული ლექტორების სია იხილეთ აქ.

სეზონური სკოლის პროგრამა იხილეთ აქ.

საზაფხულო სკოლაში მონაწილეობის მსურველმა სოციალურმა მუშაკმა სააპლიკაციო ფორმას უნდა დაურთოს:

• პირადი რეზუმე, ე.წ. CV ქართულ ენაზე (სავალდებულოა);
• სოციალურ მუშაობაში უმაღლესი განათლების დამადასტურებელი დოკუმენტი - დიპლომი, ან სერტიფიცირების პროგრამის დასრულების დამადასტურებელი სერტიფიკატი (სავალდებულოა);
• სოციალურ მუშაობაში  სამუშაო გამოცდილების დამადასტურებელი დოკუმენტი (ცნობა)  (სავალდებულოა);
• ინგლისური ენის ცოდნის დამადსტურებელი დოკუმენტი (ასეთის არსებობის შემთხვევაში);
• მინიმუმ 150 და მაქსიმუმ 300 სიტყვისგან შედგენილი სამოტივაციო წერილი, სადაც აპლიკანტმა უნდა დაასაბუთოს საზაფხულო სკოლაში მონაწილეობის საჭიროება (სავალდებულოა).

შენიშვნა: უპირატესობა მიენიჭებათ იმ  სოციალურ მუშაკებს, რომლებსაც:

• მიღებული აქვთ უმაღლესი  განათლება სოციალურ მუშაობაში;
• ფლობენ  ინგლისურ ენას საშუალო (B2) დონეზე მაინც.

 

საზაფხულო სკოლაში მონაწილეობის მსურველმა სოციალური მუშაობის სამაგისტრო და სადოქტორო პროგრამების სტუდენტებმა სააპლიკაციო ფორმას უნდა დაურთოს:

• პირადი რეზუმე, ე.წ. CV ქართულ ენაზე;
• მიმდინარე სემესტრში სოციალური მუშაობის სამაგისტრო და სადოქტორო პროგრამებზე სწავლის დამადასტურებელი დოკუმენტი – ცნობა;
• ინგლისური ენის ცოდნის დამადსტურებელი დოკუმენტი (ასეთის არსებობის შემთხვევაში);
• მინიმუმ 150 და მაქსიმუმ 300 სიტყვისგან შედგენილი სამოტივაციო წერილი, სადაც აპლიკანტმა უნდა დაასაბუთოს საზაფხულო სკოლაში მონაწილეობის საჭიროება.

შენიშვნა: უპირატესობა მიენიჭებათ იმ  სტუდენტებს, რომლებიც ფლობენ ინლგისურ ენას საშუალო (B2) დონეზე მაინც.

შენიშვნა: ბათუმის შოთა რუსთაველის სახელმწიფო უნივერსიტეტის პროფესორ–მასწავლებლების შერჩევა მოხდება მიზნობრივად. აღსანიშანვია, რომ 2011 წელს, ევრკომისიის ტემპუს/ტასისის პროგრამის ფარგლებში ბათუმის შოთა რუსთაველის სახელმწიფო უნივერსიტეტში მოხდა სოციალური მუშობის განათლების ინსტიტუციონალიზაცია, სერტიფიცირების პროგრამის სახით. რომლის ფარგლებში წელიწად ნახევრის განმავლობაში  ინტენსიურად გადამზადდა ბათუმის უნივერსიტეტის აკადემიური პერსონალი, რათა მათ შეძლებოდათ სასერტიფიკატო კურსების გაძღოლა. სულ გადამზადდა ბათუმის უნივერსიტეტის 8 პროფესორ–მასწავლებელი. სწორედ აღნიშნული 8 პროფესორ-მასწავლებელი მიზნობრივად შეირჩა სეზონური სკოლისთვის.

მოწვეული უცხოელი ლექტორის, მარკ დოელის ლექციები ითარგმნება ქართულ ენაზე. 

სეზონური სკოლის დასრულები შემდეგ, თითოეულ მონაწილეს მიეცემა დავალება, შეიმუშავოს კვლევითი პროექტის დიზაინი კვლევის ამა თუ იმ მეთოდის გამოყენებით. გარდა ამისა, დავალება მოიცავს სოციალური მუშაობის ამა თუ იმ მომსახურების ხარისხის შეფასებას განსაზღვრული კრიტერიუმების მიხედვით. აღნიშნული დავალებები მონაწილეებმა უნდა შეასრულონ სეზონური სკოლის ლექციების დასრულების შემდეგ და 2 კვირის ვადაში გამოაგზავნონ ელექტრონული სახით. მსმენელებს, რომლებიც მიიღებენ დადებით შეფასებას, გადაეცემათ მონაწილეობის სერტიფიკატი, ხოლო  მსმენელებს, რომლებიც ვერ მიიღებენ დადებით შეფასებას, გადაეცემათ დასწრების სერტიფიკატი.

სეზონური სკოლის ფარგლებში, სკოლის მონაწილეებისთვის (გარდა ბათუმის და ახლომდებარე მუნიციპალიტეტებში მცხოვრები მონაწილეებისა) გათვალისწინებულია მატარებლით მგზავრობის ხარჯი (ორი გზა) და სასტუმროში განთავსება კვებით. ასევე, ლექციების პერიოდში გათვალისწინებულია ლანჩი ყველა მონაწილისთვის. 

აპლიკაციის გამოგზავნის ბოლო ვადა არის 2019 წლის 19 აგვისტო.

შერჩეულ მონაწილეებთან დაკავშირება მოხდება 2019 წლის 23 აგვისტომდე, ელექტრონული ფოსტის საშუალებით.  

საზაფხულო სკოლაში მონაწილეობის მსურველებმა უნდა შეავსონ აპლიკაცია, რომელიც განთავსებულია აქ (დააჭირეთ). 

შენიშვნა: გთხოვთ, აპლიკაციის შევსებისას გამოიყენოთ ქართული შრიფტი (Sylfaen)

დამატებითი ინფორმაციის მისაღებად შეგიძლიათ დაუკავშირდეთ სეზონური სკოლის - „სოციალური მუშაობის კვლევის მეთოდების“  კოორდინატორს - ოსიკო (ოჩი) კონცელიძეს.

ტელ: (+995) 598 802 108

ელექტრონული ფოსტა: seasonalschoolseptember19@gmail.com